Koordinazioa: Gabriela Muñagorri
Irakasle gonbidatuak: Zöe Taylor, Gabriela Muñagorri.
Diseinatzaile gonbidatuak: Nora Izagirre, Luis Manteiga
Uztailaren 25etik 30era
IZEN-EMATEA
Dohain. Bidali curriculuma eta azken aldiko lanen 10 irudi info@arteleku.net helbidera.
Izena emateko azken eguna: uztailak 20 / Ordutegia: 09:30 -13:30 / 15:00- 19:00/ Partaideak: gehienez 12
Parte-hartzaileen hautaketa ikastaroko koordinatzaileak egingo du. Adierazi zuen ingelesa maila
Tailer honetan, modako marrazkiaren eta ilustrazioaren gaur egungo erabilerak eta praktikak aztertuko ditugu (diseinatzaile baten sorkuntza prozesua; ehunen estanpatuen diseinurako aplikazioak; marrazkiaren praktika eta aplikazioak prentsan; eta abar). Ikastaroa praktikoa izango da, eta parte-hartzaile bakoitzaren banakako lana modaren sektorearen beharretara moldatuko da.
Tailerra Arte Ederretako edo Modako ikasle eta lizentziatuei edo eta ilustratzaile eta marrazkiarekin lan egiten duten artistei zuzendurik dago.
Uztailak 25, 26 eta 30. 09:30.13:30 / 15:00-19:00
Gabriela Muñagorri Mendiola
“Nire marrazkietan etengabe lantzen ditut bateratzea zail diren aurkakoak, elementu figuratiboak eta abstraktuak, kolore-konbinazio zailak, testua eta marrazkia, teknika ezberdinak… buruan collagearen eta geruzen ideia dudala beti. Nire marrazkiak ariketak dira, aurkakoen artean oreka bat sortzeko bidexkak; eta, azken buruan, irudi harmoniko bat sortzen dut, forma txarrak – forma berriak, irudi arraroak. Prestatzen ari naizen aplikazioen artean, gaur egun gehien lantzen ari naizena ehuneko estanpatuen diseinuan marrazkiak nola aplikatu da, bai digitalak bai eskulangintza-teknikakoak.”
Uztailak 26: 15:00-19:00
Nora Izagirre eta Luis Manteiga diseinatzaileek azalduko dute zer lan egiten duten eta bilduma baten sorkuntza prozesuan marrazkiaz nola baliatzen diren.
“Arte Ederretan lizentziatu ondoren hartu nuen modaren bidea. Moda ikasten ari nintzela ezinbestekoa egiten zitzaidan bi munduak nahastea; horrela, jakak koadro moduan pintatu, nire marrazkiak bordatu bihurtu... Eskolako tesian aurkeztutako lanak ere nire marrazkien itzulpenak ziren. Gaur egun, buruan dudana islatzeko eskuaren trazua beharrezkoa zait, honek duen espontaneitatea, intentzioa eta bat-batekotasuna lagungarri”. Nora Izagirre.
“ Look edo jantzi-zirriborroak blokeka irudikatzen ditut, pertsonaiak balira bezala. Fikzio-zientziako pelikula bateko gidoilari baten antzera sortu ohi ditut nire pertsonaiak: planetak sortzen ditut, bakoitza bere giroan; nire munduak edo unibertsoak sortzen ditut eta, nire burua ez mugatzeko, nola egin aurretiaz erabaki gabe marrazten dut. Behin pertsonaia guztiak ditudanean, erabakitzen dut zer kolore, zer ehun eta zer material erabili, eta piezak patroian edo hainbat teknikaren arabera eskuz egindako piezetan itsasten ditut.” Luis Manteiga
Uztailak 27 eta 28: 09:30-13:3 0.
Zöe Taylor, Moda, marrazkia eta narrazioa.
Nire asmoa ikusizko ilustrazioak eta historiak marraztea da, baldin eta hauek bizitasun dramatiko bat duten eta, testuinguruak eta giroak anbibalenteak izaten jarraitzen duten. Nire ilustrazioetan, narrazioaren zentzu bat iradokitzen duten eskenatokietan daude jantzi-zirriborroak. Arropa xehetasunez deskribatzen saiatzen naiz, ehundurak iradokitzen duena maite dut, baina niretzat garrantzizkoena irudiak giro dramatiko eta anbiguo bat islatzea da. Batzuetan, drama barneratuta dago; askotan, pentsamendurik edo larritasunik gabeko aldia bizi duten modeloak edo pertsonaiak erakusten saiatzen naiz. Pelikula klasikoetako fotogramek sortzen duten zirrara kezkagarria maite dut; horregatik egiten dut askotan horien aipamena nire ilustrazioetan.
“Zöeren lana esplorazio bat izan da beti. Neurri batean denboraz kanpokoa, zinema beltzeko pelikulen gisakoa baita ere, dramatismoz josia beti, … misteriotsua eta malenkoniatsua aldi berean. Zöeren moda-ilustrazioak aldizkaritan eta web gunetan aurkituko ditugu. Ilustrazio horiek azken modaren punta-puntakoak dira, baina Zöeren modeloak, somnanbulu baleude bezala, harat-honat ibiltzen dira barnealde asmatuetan, zeintzuetako erdia errealak diren, eta paisaia onirikoak beste erdia. "
-Andrzej Klimowski On Illustration Oberon Books, 2011
Uztailak 27, 19:30ean.
Zoë Taylor-en hitzaldia “Moda, marrazkia eta narrazioa.”.
Koldo Mitxelena kulturuneko Ekitaldi aretoa
Biografiak
Gabriela Muñagorri Mendiola. EHUn Arte Ederretan lizentziatu eta doktoretzako ikastaroak eta marrazkiarean praktikari buruzko ikerketa lana egin ondoren, Artelekun egonaldi bat egin zuen artista egoiliar gisa. Ondoren, Bartzelonara abiatu zen. Etapa horretan, irakasle izan da Bartzelonako Felicidad Duce moda eskolan, haur ilustratzaile gisa hainbat lan egin ditu 50easy joeren aldizkarian eta tankera berdineko beste batzuetan, eta bere lanak erakutsi ditu Ferrán Cano galerian. Gaur egun Donostian bizi da. Aldi honetan, bere marrazkiak ehunen diseinuan aplikatzeari ekin dio, doktoretza-tesia idazten ari da moda alorreko errepresentazioari buruz, eta ikastaro honen antzeko hainbat irakaskuntza-proiektutan parte hartzen du.
Zöe Taylor, Londresen bizi den ilustratzaile bat da. 2009an Royal College of Art ikastetxean graduatu zenetik, lan egin du The Guardian, AnOther Magazine, Grey, Syntax Editions, Luella Bartley, Harper Collins, Poetry News y la London Fashion Week eta beste erakunde batzuentzat. Zöeren lana hainbat argitalpenetan ere agertu da; esate baterako, The Independent, Varoom, Creative Review, Wallpaper, Ambit, Le Gun, Bare Bones, Naked Punch eta Vogue-n. Baita Andrzej Klimowski-ren On Illustration liburuan ere (Andrzej Oberon ilustrazio masterreko irakaslea da). Beste aldetik, Zöek sari eta beka asko irabazi ditu; esate baterako: Ilustrazioko Sheila Robinson saria, 2009an; Oberon Liburua saria, Anna Kavan-en Ice ilustratzeagatik, 2008an; eta Worshipful Company of Painter Stainers erakundearen Arte Ederretako beka, 2007an.
Luis Manteigak modako diseinatzaile gisa prestatu dituen hainbat bilduma aurkeztu ditu diseinatzaile gazteentzat antolatutako erakustaldi nazional ofizialetan (Madrilgo Ego - Mercedes Benz Fashion Week eta Bartzelonako Fashion Week). Luisen obran, konbinatuta agertzen dira, batetik, siluetaren eta patroigintzaren ikuspuntuetatik estilo futurista bat, ehun nobleez osatua, eta bestetik, jantzigintza tradizionala, eskulangintzako teknikez osatua.
Nora Izagirre, Arte Ederretan lizentziatu eta gero, Bartzelonako Modaren Arte eta Tekniketako eskola ospetsuan osatu zituen ikasketak. Bartzelonan, Josep Fontekin eta Elisa Amannekin egin zuen lan. Parisen, berriz, Hermès etxeko Martin Margiela zuzendari artistiko handiarekin, eta baita Lolita Lempicka diseinatzailearekin ere. Estatura bueltan, Philippe Laporte etxearen irudia berritzeaz eta Cold Alaska – Individual Woman firmen diseinuaz arduratu zen. 2006 urtean, Nora Izagirrek bere firma propioa sortu zuen eta, bertako diseinuetan, urteetan zehar ikasitako guztiari ukitu freskoa eman dio.
