Koordinazioa:
Olatz
Gonzalez, Iñaki Imaz, Asier Mendizabal
Fikzio
tolesgarriak
Arteleku-Gipuzkoako Foru Aldundiak eta Donostia
Kultura-Donostiako
Udalak koproduzitutako proiektua, tailer bat eta zinema ziklo bat
barne hartzen dituena.
Jørgen Lethekin tailer bat eta
zinemagilearen inguruko film ziklo bat egiteko proposamena sortu da
haren lana aztertuta zinematografikotasunaren mugetatik haratago doan
jarrera bat hautematen delako. Jarrera hori laburbildu liteke alde
batetik mundua ulertzeko eta bestetik adierazpide pertsonalerako aldi
bereko ahalegin moduan, baina fede handirik erakutsi gabe
objektibotasun dokumentalean eta barnekotasun subjektiboaren ezein
goraipatzerik erakutsi gabe. Oso alderantziz, nolabaiteko mesfidantza
erakusten du nola kanpokoarekiko hala “norberarenganako”. Seguru
asko horregatik lan egiten du autozentsuratik, ekintza eremu oso
zehatz bat mugatu eta ulergarritasun konbentzionalari kontzesiorik
egiten ez dioten arau sorta batetik, arau absurdoak edo hutsalak,
agian. Autozentsura horrek teknika eta estetika bereziak sortzen
ditu, hurbil daudenak, definizio zehatzagorik ezean, “objektibotasun
onirikoa”, “fikziozko errealismoa” edo antzekoa esan
geniezaiokeen zerbaitetik.
Tailerra
Maiatzak
7-11, Artelekun
Ordutegia:
astelehenetik ostiralera, goizak eta arratsaldeak.
Izen-ematearen
prezioa:
60 €
Parte-hartzaile
kopurua:
gehienez 15
Tailerrean ingelesetik espainierarako itzulpena izango
da.
Tailerra astebeteko lanaldi moduan planteatu da, bai
Jørgen Lethekin bai Dan Holmberg-ekin batera –ohizko kamera haren
filmetan, Stars
and Watercarries
(1973) filmean estreinako aldiz kolaboratu zuenetik-; bertan
aukeratutako pertsonak haren metodologiaz eta haren lanak bultzatzen
dituzten ideia eta estrategia estetikoen inguruan solastatuko dira.
Hasieran gogoeta-tailer moduan pentsatua, Dan Holmbergen presentziak
elkarrizketak zabaldutako arazoetatik sortzen diren ariketa
praktikoak egiteko aukera emango du. Lan-testuinguru aldekoa sortu
nahi da, eztabaida hitzetik haratago eramateko beharra sortu dadin,
hartara ekintza edo prozesuak, hasiera batean zinematografikoak,
abian jar daitezen, nahitaez amaiera-lan batean zertan gauzaturik
gabe. Eztabaidan behin eta berriz sortzen diren auziak berreskuratu
nahi dira gauzatzeko orduan, ekintzara pasatzeko orduan zein modutan
zehazten diren ikusteko.
Tailerrak irauten duen bitartean
gonbidatuek gaiak aurkeztuko dituzte, material dokumentalez
lagunduak, eta horiek bertaratutakoen arteko eztabaidara zabalduko
dira; eztabaida oinarri batean sustengatzen da (eta beraz hark
baldintzatzen du): esandakoak ekintza zinematografiko batean amai
dezakeela. Hartara, hitzak eta ekintzak elkar interpelatzen dute eta
elkarren epaiaren mendean jartzen dira.
20 pertsona horiek
(gonbidatuak, koordinatzaileak eta tailerrean parte hartuko dutenak),
elkarrekin biltze hutsagatik abiaraziko duten prozesuaren
eskakizunetara zabalik geratuko da programazioa. Saio bakoitza, 4
ordu ingurukoa, gogoeta lanera edo lan praktikora bideratuko da.
Tailerrerako
izen-ematea
Parte-hartzaileen
hautaketa tailerraren planteamenduari jarraiki egingo da, hau da,
arrazoi desberdinengatik Jørgen Lethengan edota Dan Holmbergengan
interesa izan eta haiekin lan-prozesu batean era aktiboan inplikatu
nahi duen talde heterogeneo bat osatzea.
Tailerrerako eskariak
Artelekun aurkeztu beharko dira 2007ko apirilaren 27ko 14:00 baino
lehenago, honako hauek aurkeztuta: izen-emate orria,
curriculuma eta gutun bat azaltzeko zergatik parte hartu nahi den,
eta eskatzaileak bidezko irizten dion beste edozein material.
Aukeraketa tailerraren arduradunek egingo dute eta pertsonalki
jakinaraziko zaie dagokienei apirilaren 30ean.
Ordainketa:
Parte-hartzaileek tailerraren lehen egunean aurkeztu beharko dute
Kutxako 2101/0381/07/0001329473 zenbakidun kontu korrontean dirua
sartu dutela dioen egiaztagarria.
Artxiboa
Tailerraren
osagarri, apirilaren erdialdetik jendearen eskura egongo da artxibo
dokumental bat, gonbidatuen lanaren berri ematen duten bideo, liburu
eta bestelako materialekin. Artxiboa zein datatan zabalduko den behar
bezala jakinaraziko zaie tailerrean parte hartzeko aukeratuei, hala
nahi izanez gero tailerra hasi baino lehen ere kontsultak egin ahal
izan ditzaten.
Zinema
zikloa
Maiatzak
7-11, Donostiako Antzoki zaharrean
Ordutegia:
20:15
h.
Prezioa:
3,60
€
Emanaldi
guztietarako abonua:
9 €
Filmak jatorrizko bertsioan proiektatuko dira, espainierazko
azpidazkiekin.
Fikzio
tolesgarriak
proiektuaren barruan, maiatzaren 7tik 11 arte Jorgen Leth-en
pelilkulak ikusteko aukera izango da Donostiako Antzoki Zaharrean.
Zazpi film proiektatuko dira zinemagile honen lanaren
erakusgarri.
Maiatzak
7
-Motion
picture
(1970) pelikula experimentala da. Torben Ulrich Danimarkako tenis
jolakariarekin elkarlanean egindako filma mugimendua eta soinua eta
irudiaren sinkronizazioaren gaineko azterketa da.
-Pelota
(1983) euskal pilotaren inguruan eginiko dokumentala da. Pilota bat
egiteko prozesua oinarri hartuta kirolaren ikuspegi ezberdinak
uztartzen ditu Leth-ek: Retegi II. orduko txapelduna, aita bat bere
semeari jokoa erakusten...
Maiatzak
8
Notater
om kærligheden/Notes on Love
(1989) izango da ikusgai. Pelikula
hau Jorgen Leth-ek bere bizitza pertsonalean krisi sakona bizi zuen
garaian eginiko lana da. Oso proiektu pertsonala eta
intimoa.
Maiatzak
9
Notater
fra kina/Notebook from China
(1986) proiektatuko dute. 1984an Jorgen Leth, Dan Holmberg
(kameralaria) eta Niels Torp (soinu teknikaria)-k 6.000 kilometroko
bidaia egin zuen Txinan barrena. Bidaia horren emaitza da pelikula
hau, prejuiziorik gabe eta kuriositate handiarekin eginiko
bidaia-pelikula.
Maiatzak
10
Udenrigskorrespondenten/Haiti
Express (1983)
emango dute. Jorgen Leth Haitin bizi da 1991z geroztik, baina
pelikula hau lehenago egin zuen. Bertan, antzezle baten kazetari
baten papera jokatzen du. El Salvador eta Haitiren arteko egoera
politiko ezegonkorraren protagonista izan ziren zenbait pertsona
elkarrizketatzen ditu. Fikzioa eta dokumentalaren arteko mugak
lausotzen dituen pelikula da hau.
Maiatzak
11
-Det
perfekte menneske/The Perfect Human
(1968) Jorgen Leth-ek bere ibilbidean giza izaeraren ezaugarrien
inguruan eginiko ikerlana da. Filmaren hasieran bi aktore gela zuri
batean agertzen dira, eta ahots batek "Gizaki perfektua akzioan
ikusiko dugu".
-Fem
benspaend/ The Five Obstructions
(2003) Lars Von Trier zuzendariarek eginiko proposamen batetik
sortutako proiektua da. Det
perfekte menneske/The Perfect Human
filmaren bost bertsio berri egiteko erronka egin zion Lars Von
Trier-ek Jorgen Lethi, baina berak ipinitako baldintza eta muga
batzuekin. Erronka
horren emaitza da pelikula.
Biografiak
Jørgen
Leth.
Aarhus, Danimarka, 1937. Zinema zuzendari eta ekoizlea da, poeta eta
telebista iruzkingilea. Hirurogeiko hamarkadan Abcinéma
abangoardiako zinemagile taldearen kide fundatzailea izan zen. Hamar
poema bilduma eta lau saiakera argitaratu ditu. Irakasle ibili zen
Kopenhageko Zinema Eskola Nazionalean eta Osloko Ikasketa Zentroan.
Eskolak eman ditu orobat Berkeley, UCLA (Los Angeles) eta Harvard
Unibertsitateetan. Haitin bizi da 1991z geroztik.
Dan
Holmberg. Stockholm,
Suedia, 1944. Argazkigintza ikasi eta moda eta publizitate alorreko
argazkilarien laguntzaile hasi zen. 1969an kameralari hasi zen lanean
suediar telebistarentzat, eta harentzat filmatu albisteak, kirolak...
1973an New Yorkera abiatu zen, freelance
moduan lan egitera. Zuzendari askorekin egin du lan, besteak beste
Jørgen Lethekin, eta haren filmetan ohiko kameralaria izan da 1973
geroztik.
Olatz
González Abrisketa.
Bilbo, 1973. Lizentziaduna Gizarte eta Kultura Antropologian eta
Zientzia Politikoetan eta Doktorea Soziologian, antropologia
irakaslea da Euskal Herriko Unibertsitateko Gizarte Zientzien
Fakultatean. La
pelota vasca: un ritual, una estética (Ediciones
Muelle de Uribitarte, 2005) doktoretza tesiaren egilea da.
Iñaki
Imaz.
Donostia, 1965. Pintorea da, eta Pintura irakaslea Euskal Herriko
Unibertsitateko Arte Ederretako Fakultatean 1992z geroztik.
Erakusketa anitzetan aurkeztu du bere lana, eta horien artean
azpimarra litezke: Lo
Mío
(Sala Rekalde, Bilbo, 2007), Montaña
(Egiako Kultur Etxea, Donostia, 2004), No
te separes de nosotros
(Arteleku, Donostia eta Centro Cultural Conde Duque, Madril, 2003).
Asier
Mendizabal.
Ordizia, 1973. Artista, Bilbon bizi da. Parte hartu zuen Manifesta
5en, Donostian. Iñaki Garmendiarekin batera egin zuen Goierri
Konpeti filma. Smaller than a Mass liburuaren egilea da (Lank., Peio
Aguirre, 2006).
