Emakumeek ingurune propioa izateko duten eskubidea. LESLIE KANES WEISMAN

Manifestua

Aitor dezagun: Gizonak eraikitako inguruneek gizartean emakumeak bete behar duen eginkizunaren gainean eraiki diren definizio patriarkal eta konbentzionalak berresten dituzte eta gure seme-alaben garunetan mezu sexistak grabatzen. Ingurune horiek miopia espazial batera eraman gaituzte eta ondorioz gure buruaren gaineko kontzeptua mugatzera, bizitzeko eta lan egiteko moduei buruzko ikuspegiak eta aukerak mugatzen dizkigute, eta gure autonomia egarria asetzeko behar ditugun inguruneak ukatzen edota debekatzen dizkigute. Alabaina, iritsi da begiak ireki eta zapalkuntza espazial horren jite politikoan erreparatzeko garaia.