William Selden
Hertfordshire (Erresuma Batua). Argazkilaria.
Bere
ibilbide profesionalean modelo lanetan ibili eta publizitatearen
industrian aritu ondoren, arte ederretako ikasketak egin zituen
Middlesex‐eko Unibertsitatean (Erresuma Batua). Orduz geroztik argazkiak
egin ditu Dazed and Confused, ID, Self Service, Pop, Vogue Hommes
Japan, Another Man, Another V Magazine, Interview, Numéro eta New York
Times argitalpenentzat, esate baterako.
Baita publizitate argazkiak
ere Uniqlo, Puma, Prada eta Ray Ban markentzat, ahaztu gabe zinemako eta
musikako ospetsuei egin dizkien erretratuak. Ospetsu horietako batzuk
dira Pulp, Franz Ferdinand, Jude Law, Daniel Craig eta Rihanna. Bi sari
garrantzitsu irabazi ditu Erresuma Batuko arte diseinu eta
zuzendaritzako D&AD lehiaketa ospetsuan. Lehena 2004an,
Spiritualized musika taldearen “Amazing Grace” albumari egin zion
portadarengatik, eta bigarrena 2006an, ‘ Golden Skins: Ginger Boy’
publizitate kartelarengatik. www.williamselden.com
Esther Lebrato
Oviedo, 1980. Madrilen bizi da.
Arte Ederretako lizentziatua da( Pontevedrako Arte Ederretako
Fakultatea) eta ehungintza diseinua eta modan graduatua (Galiziako
Ehungintza diseinua eta Modako Goi Mailako Ikasketak, ESDEMGA). Bere
lanak, Noovo Festival for Fashion and Photography jaialdian (Santiago de
Compostela), South 36. 32 N pasarelan (Cádiz) eta Madrileko Madrid
Fashion Weekeko El Ego de Cibelesen ("doggiegirlfriend” bilduma)
aurkeztu izan ditu.
www.estherlebrato.com
Synthetic Pompette
Iban Device eta Quino osatzen
duten musika bikotea. Bakarka eta elkarrekin Espainia eta Frantzian
aurkeztu izan dituzte bere saioak DJ zein live formatuetan.
Iban
Device, Iban Santanoren ezizena. 1978, Andoain (Gipuzkoa). DJ eta musika
ekoizlea. Bere musika zigilua zuzentzen du: Katakras_Rec.
Erreferentziak argitaratu izan ditu bai zigilu independentetan eta
plataforma digitaletan, hara nola: beatport, digital‐tunes and djtunes.
Quino, Cebb Dufrênen ezizena, 1985, Pau (Frantzia). DJ eta musika
ekoizlea. Bere musika ekoizpena, Ambient/ Minimal aldean kokatzen da.
Zati erritmikoen egituraketa zainduak eta sonoritate paleta aberats
batekin elkartzeak bereizten dute.
