Digitalizazioa eta edizioa AVID sistemaren bitartez
Tailerra
2007/04/16 - 2007/12/14 | arteleku

Digitalizazioa eta edizioa AVID sistemaren bitartez

Parte-hartzaileak

Azken erreprodukzio teknologiak gaur egungo sorkuntzan sartzeak funtsezko aldaketa ekarri du egungo artista askok lanerako dituzten premisetan. Eskaera horiei erantzuteko Artelekuk teknika horiek eta dauden aplikazio programak ikasteko tailer ezberdin asko ditu. Aurten ikastaroak bost egunekoak izango dira eta goizez emango dira, arratsaldetan ikasitakoa esperimentatzeko aukera eskainiko da.

EGITARAUA

Avid ikastaroak
AVID sistema ezagutzeko mikrotailer ezberdinak burutuko dira, AVID sistemaren errendimendu altuenaren bidez ahalik eta baldintzarik onenetan konpondu daitezkeen arazo espezifikoak lantzearren. Tailer bakoitzean aurkezten diren proiektuak ezagutzera emango dira AVIDeko teknikariaren laguntzaz. Horrela, talde bakoitzak arazo tekniko ezberdinei aurre egin beharko die eta aldi berean proiektu bakoitzeko arazo espezifikoak argituko dira.

-Hastapena
Apirilak 16-20 eta maiatzak 21-25


Ikastaroa egitea ezinbestekoa da gero edizio gelara pasa ahal izateko.
Edukia:
•Avid sistemetako bakoitzaren oinarrizko alderdiak.
•Oinarrizko kontzeptu teorikoak bideo digitalari buruz.
•Bereiztea gaur egun bideo formatuak.
•Jarraitasunik gabeko bideo edizioaren teknikak eta osteko ekoizpena.
•Audioa maneiatzea eta erabiltzea ikus-entzunezkoen muntaketan.
•Abileziak Avid maneiatzen.
Prezioa: 30€
Taldeak: 6 lagun gehienez.
Ordutegia: goizez 10:00-14:00
Izena ematea: ikastaroa hasi baino 20 egun lehenago.


-Hobekuntza
Ekainak 11-15 eta irailak 3-7


Aurten arreta berezia jarriko da sakontze ikastaroetan. Oinarrizko ikastaroa egina duten edo AVID sisteman sakontzeko beharra dutenentzako tailerrak egingo dira.
Edukia:
•Avid sistemarekin lan egiteko moduak jakitea
•Kapa askoko edizioaren hastapenak Aviden.
•Audioa, izenburu jartzailea eta material grafikoa lantzea.
•Avideko efektuak eta AVX.
•Materiala ateratzeko moduak: DVD Web…
Prezioa: 30€
Taldeak: 6 lagun gehienez.
Ordutegia: goizez 10:00-14:00
Izena ematea: ikastaroa hasi baino 20 egun lehenago.



-Analogikotik digitalera / Grabaketatik DVDra
Azaroak 12-16

Tailerrean erakutsiko da nola sortu daitekeen DVD bat bideo formatu edo formatu grafiko orotatik abiatuta. Edizio ez lineal batetik (oraingo honetan Avid), edozein formatutik abiatuta, esaterako: VHS, HI8, Betacam, Umatic, DV, DVCAM, DVCPRO..., ezagutuko da zer prozesu jarraitu behar den beharrezko artxiboak lortzeko gero DVDa grabatzeko autoretza programa bat erabiliz.
Prezioa: 30€
Taldeak: 6 lagun gehienez.
Ordutegia: goizez 10:00-14:00
Izena ematea: ikastaroa hasi baino 20 egun lehenago.


-Edizioa Avid Xpress Pro eta Avid Media Composer-en bidez
Abenduak 10-14

Ikastaro honetan edizio ez linealaren lehen urratsak emango dira. Ikastaroak saio praktikoak eta demostrazio pertsonalak izango ditu, era berean praktikak egiteko tartea ere izango da material gidatua erabiliz. Partaideek Avid sistemak erabiliko dute digitalizatu, materiala antolatu, sinkrorekin eta sinkrorik gabe editatu, sekuentziak moztu, audioa editatu, tituluak sortu eta materiala ateratzeko modu ezberdinak ezagutzeko: zinta, CD, DVD...
Prezioa: 120€
Taldeak: 6 lagun gehienez.
Ordutegia: goizez 10:00-14:00
Izena ematea: ikastaroa hasi baino 20 egun lehenago.

 

AVID ETA MULTIMEDIA ARETOA

Avid eta multimedia aretoko ekipoak Artelekuko erabiltzaileen zerbitzura daude eta beharrezkoak diren baliabide guztiak dituzte Betacam eta DVCAMekin Avid Media Composer sistemaren eta Mojo DVCAMekin Avid Xpress Pro sistemaren bidez egindako proiektuak garatzeko. Gero sistema horietatik informazioa digitalizatu eta pasa daiteke edozein formatu analogiko edo digitalera, VHS nahiz DVDra. Multimedia gelan interneteko konexioa duten PC eta MAC daude, sareko eskaner eta inprimagailu bati lotuta eta diseinu grafikoko hainbat programez hornituta.

INSKRIPZIOA

Tailer horietan parte hartzeko nahitaezkoa izango da audio eta bideo edizioko sistema bat erabiltzea eskatzen duen sorkuntza proiektu batean lanean aritzea. Izena emateko orriarekin batera proiektua aurkeztu beharko da.
Onartutakoei ikastaroa hasi baino 15 egun lehenago jakinaraziko zaie. Onartuak izan ondoren, faxez (+34 943 462256) bidali behar da bankuko ordainagiria kontu zenbakira: Kutxa 2101 0381 07 0001329473.

Informazio gehiago: avid@gipuzkoa.net

iCal
Dokumentu Akzioak