SUBJEKTUA ERAIKITZEA KULTURA DIGITALEAN. ERRETRATUA, IDENTITATEA ETA MEDIO BERRIAK
Erretratuaren generoa eta bere bilakaera historikoa estuki lotuta daude, logikoki, norbanakoaren gizarte ikuskerarekin eta nortasuna eraikitzearekin. Errenazimenduan nortasuna, subjektuaren ideia, koloreekin lotzen zen (gorputzeko lau jarioak eta horien koloreak: gorria, horia, zuria eta berdea) eta ondorioz, egonkortzat eta norbanakoaren izaeraren baitakotzat jotzen zen. XVIII. mendetik aurrera, subkontzientearen existentziaz mintzatzen hasi ziren zientzialariak. Nortasunaren zati bat da subkontzientea, nola funtzionatzen duen ezezaguna zaiguna.
